تعريف العزوبيه

[طال السفر]

العزوبية تعريف



هي المرحلة العمرية اللي يكون فيها الشاب منبوذ من جميع فئات المجتمع







مواصفات العزابي



1. مسكين

2. مطفر

3. جائع

4. مديون من جميع الناس الهندي راعي البقاله، مغسلة الملابس، راعي المطعم لو يشوفه يقلبه دجاج شوايه

5. مضطهد

6. مريض

7. الملابس000الله لا يوريك

8. الريحه0000لاتسألون عن هذي







شقة العزابي



1. الصاله: تلفزيون//اربعة طفايات زقاير//ثلاث روس معسل//ترمس شاهي//سطعش بياله منكبه//اثنين وعشرين جريده//خمس دفاتر(مو للدراسه)لااااااا كلها لنا ولهم خخخخخ



2. غرفة النوم: مرتبة نوم (يسمعون بالسرير)//فنايل مرميه//ثياب وسخه//مسجل//200 شريط 75% جلسات//اكياس مطاعم (شاورما + هارديز + كنتاكي ....... الخ)



3. المطبخ: سته او سبعه اكياس بخاري//عشره عشرين قوطي تونه// //اكياس ليبتون << نص المطبخ ليبتون







مشاكل العزاب



أكثر كلمه يسمعها العزوبي هنا هي (((((((((ممنووووووووووع)))))))))) :



أ/ إحتفالات العيد((((((((ممنوووووووووع)))))))))مافيه احتفالات يعني طول السنه نفس

الوضع واذا تبي تحتفل رح للبر لحالك والا طق راسك بأكبر جدار



ب/ دخول الملاهي((((((ممنوووووووع))))) طيب ليه يعني هم اللي بيخربون الصحن الدوار

والا حاطينه للعوايل بس



ج/ دخول الأسواق((((((ممنوووووووووع)))))))))) وهذي مره مقهورين منها الشباب

ليييييييه يعني يقولون حنا اللي نبي نخرب المحلات والا نبي نقضي البضاعه عن العوايل

-----يقولون انكم مزعجين داخل السوق------فيه رجال أمن داخل السوق وأي واحد يحاول

يزعج يطردونه برا ----- يعني حلها سهل



أرفع راسك أنت سعودي ------------غيرك يدخل وانت تنطق برا في الحر







العزوبي والقطة



القطه بفتح القاف وهذا مصطلح في معجم العزوبيين يعني رسوم الاشتراك



القطه هي كلمه تسبب الحساسيه للشاب العزوبي وهناك أنواع متعدده من القطه منها:



1. قطة الشقه (وهذ غالبا ماتكون قاصمه للظهر) يعني يبيع سراويله عشان يكمل المبلغ



2. قطة الاكل (وهذي لايسمح لك بتناول اي طعام أوشراب الا بعد دفع قطتك فيها

****كل حياة العزوبيين قائمه أساسا على القطه*****

أكل,شرب, نوم, ملابس,كتب ,طواقي,شمغ,حتى السراوييل







العزوبي والسفر



السنه فيها 365 يوم لا يعيش العزوبي مبسوط فيها سوى 20 يوم



بالعربي يعني 345 يوم وهو يجمع الريال فوق الريال عشان اذا جاء الصيف يقدر يسافر للخارج



عاد العزوبي هنا منقطع مايشوف الا الديانه والا الدكاتره اللي مضطهدينه والامديره في الشغل اللي حايس مريره ,,, ولو يكح جمب عايله قالوله أنت تغازل بناتنا ولا يدري عن شي أسمه حنااااااااان



وأول مايوصل برا ويشوف العيشه ما يصدق وتضيع علومه واي وحده تقوله أحبك يصدقها ويأمنها على كل شي ومايدري من بكرا الا وهو مطفر عالحدييييييييييييده وضاعت فلوس 345 يوم ولا معه حق التذكره للمطار

اتمنى تعجبكم
طاااال السفرررر

منقووول

[الــشــرســـه]

هههههههههههههههههههههههههههههههههههههه
ياعمري من جد حالتكم صعبه مررررره
ولا حكايه ((ممنوووووووووع)) هذي حلللللللللللللوه
الله يعينكم يارب شفتوا كيف الزواج يهبل <<شكل العزوبيه بيقومون يذبحوني هههههههههه
يعطيك الف الف عافيه طال الشفر على مواضيعك اللي تجنن
الف شكر..







اختكم الغاليه!!
(شرشوره)!!

[طال السفر]

مشكوره غاليتي الشرسه على مرورك وردك
ومن قال ان الزواج مو زين والله الزواج كله منفعه
لك مني كل الشكر والتقدير
طاااال السفرررر