غصب عني ماقدرت اخذ بالنصيحه ياصقر..؟

[مصرررقعـه]

ماقدرت أخذ بالنصيحه ياصقر غصب عني أمسك القلم وأبدا أكتب واليوم كانت في محاظرة طرق تدريس الاربعاء 28/3
اليوم افكــاري مفقوده ومرات موجوده لكن محيوســه !!
في راسي ألف سالفه وسالفه لكن؟؟
بطرح موضوع وابي التفاعل معاه "أتفقنا "
الأطفـــــــــــال ألقطـــــــــاء..............
اتوقع آخر قصة قريتوها قصة صقر مع الدميه على شاطئ البحر
وماأظن أنها القصـه الوحيده اللي تعرفونها!! غيرها كثير
أســال نفسي والله يشهد علي انه مرات تخنقــي العبره
وش اللي قاعد يصير !!!!
أنا بعدها بيوم سمعت قصة مشابهه لقصة الدميه لكن ماني متاكده
منها والسالفه هي....
اهل احد احياء مدينة الخرج لقوا كيس اسود " كيس زباله "
عند احد المساجد ولما فتحوه لقوا فيه طفل مولود!!!!
ومن شهر تقريباً زوج اختي لقى طفل عمره في حدود الشهر
في المسجد اللي هو امام له وكان الطفل مثل البدر بشهادة
اختي اللي شافته وحضنته ,,,,,,
هذا غير قصة التؤم اللي في الصرف الصحي وأتوقع أنكم تعرفونها ,هذا غير قصة البلديه اللي كانت تبي ترمي
الزباله الله يكرمكم وسمعت,,,,,,,,
صوت ولمـّا افتحت أحد الاكياس لقت فيه طفل غرقان في دموعه ,
إيضا فيه قصه أخرى وللاسف غير متاكده منها سمعتها من أحدى زميلاتي وهي قصة امرءه ركبت أحد التكاسي ولما وصلت للمكان اللي تبيه وكمـّل صاحب التاكسي طريقه وهو كان سعودي وفجئه..!!..
سمع صوت بزر صغير يبكي ولمّا فتش السياره ودّور فيها وفي كل الاماكن لقى طفل صغير تحت الكرسي اللي بجنب الســّواق يعني اتركته في المكان اللي تحت ارجول الشخص اللي يقعد بالخلف ..!!!!!!!!...
ومسكين الشخص توهق بها لطفل لانه ماهو بالسهوله صدقوه الشرطه ,
قصص كثيره شي اعرفه وشي انتم تعرفونه ......
أسئله بصدري اسمع صداها ,,, أسئله بدون اجوبه ؟؟؟
ياجماعة الخير ياهل النخوه وش اللي قاعد يصير !!!!
وش فيهم الناس ؟
كل شي تغيـــر؟؟
الدنيا صارت مخيفه؟
ضاع الدين من قلوب الناس؟
لكـــــــــــــــــــــــــــــــــــــــــــــــن !!
كلمتي الاخيره كل هذا من علا مات الساعة!!
أختكم/................

[صقر النوايف]

ماقدرت أخذ بالنصيحه ياصقر غصب عني أمسك القلم وأبدا أكتب واليوم كانت في محاظرة طرق تدريس الاربعاء 28/3
فض فضي وخذي راحتــك :050103gig_prv:
بالنسبــة لموضوعــك فهو موضوع في غايــة الروعـــة
الاطفـال اللقطـاء
فالأطفال اللقطــاء غالبيتــهم في الملاجيء يبدو أنهم من العماله الافريقية او الآسيوية وهذا مؤشر خطير على ان العماله المستقدمة غالبا تكون رجل بدون زوجته أو زوجة بدون زوجها ومع اختلاف العادات والتقاليد وغياب الوازع الديني يلجأوا للعلاقات الغير الشرعية أو حتى العلاقات مع مستقدميهم فينتج عنها اطفال لايعترف بهم الأهل او لايستطيعوا الاعتراف بهم ويكون مصيرهم الملجأ ...
ومن اسبابها في مجتمعاتنا العربيـــة
الجهل بالأحكام الشرعية والمحرمات والعقوبات المترتبة عليها
وسؤالي هنــــا
لماذا ترضى أم لوليدها، قطعة من دمها ولحمها، تربطها به مشاعر فياضة، وإن حاولت تجاهلها، لماذا ترضى بأن تضعه في تلك الظروف؟!.
قد نقول ان امرأة سمحت للسان قذر أن يلعق جسدها بالحرام، وعين زائغة أن تنظر لمفاتنها بدون إذن شرعي، هي امرأة لم تقدر نفسها حق قدرها فكيف نتوقع أن تتورع عن وضع وليدها بين ألسنة القطط ومخالبها وعيونها وفي مكان أقل من قدره؟! هذا إذا كانت ارتكبت الذنب طائعة غير مغتصبة!! وحتى لو كانت كذلك فإن السبب الرئيس في شروعها في قتل وليدها هو بحثها عن الستر ...
تحيتــــــي ،،

[ســ الاحزان ــر]

وش فيهم الناس ؟

تغيرت النفوس والناس صارت بلا ضمير

ولا رحمة المهم تتخبص من شهوتهم

ونزواتهم الشريرة..

كل شي تغيـــر؟؟

اكيد ماكو شي يتم على حاله

اكو وايد فرق بين اليوم وامس..

الدنيا صارت مخيفه؟

الدنيا مثل ما هي الا الناس

اللى تغيرت وصارت قلوبها من حجرر

ضاع الدين من قلوب الناس؟

قلت الوازع الديني يسبب

اكثر من هالامورر وهو الابتعاد

عن رب العالميين والتصرف

وكان الله غير موجود..

كلمة اخيرة

الله يهدي جميع امه

محمد ويحمي بناتنا وشبابنا

من هالشهوات اللانسانية

[مصرررقعـه]

مشكورين على المرور
من كل قلبي اقولها يعطيكم العافيه:k39:
هاه وين الباقين :frown: ؟؟؟؟؟؟ابي تفاااااااااعل؟؟:102:
تحيات المصرقعه